Atualità
Stazion dal tëmp nueva a Toblach
USP – A Toblach iel chisc dis unì metù man de lauré cun na stazion dal tëmp nueva. Chësta stazion fej pert de n program de ndut 34 stazions che l Servisc provinziel per l tëmp ie tl lëur de baraté ora.
Ntan i ultimi doi ani iel bele unì metù su 30 stazions dal tëmp. Chëst ena ie nce jita n drova la stazion de Toblach. Uni di tol chësta stazions su 1300 dac che reverda la temperatura, l tume tl’aria, la plueia, la prescion dl’aria, l slune y la direzion dl vënt, y tan giut che l da surëdl. I aparac che mesura ie sun trëi pei cun autëzes defrëntes. L vënt vën muserà a 10 metri de autëza, la plueia a 1,5 metri y duta l’autra mesurazions a doi metri de autëza.
I dac dla mesurazions vën uni diesc menuc mandedes tres funch tla zentrela dl Servisc provinziel per l tëmp. “Dantaprima te situazions de crisa, sciche pra de gran temporai o gran eghes, nes da chisc dac nfurmazions de basa per tò pruvedimënc” spiega l metereologh Dieter Peterlin.
La mesurazions de majera mpurtanza ie per duc i nteressei da udëi sun www.provinzia.bz.it/meteo tl internet. Chësta plates web ie da permò unides fates da nuef y pieta se mo de plu nfurmazions sun l tëmp tl Südtirol.
as
