Atualità
Adurvé l fonin ala drëta maniera: curs per nsenianc y educadëures
USP – “Ti mustré ai jëuni co adurvé ala drëta maniera l fonin”: chësc sarà argumënt de n di de curs metù a jì dal Ufize provinziel per media audiovisuei. Referënt dl curs per nsenianc y educadëures ie Günther Laimer. Chësc curs vën pità ai 3 de dezëmber a Bulsan.
L fonin modern ie n mesun de comunicazion cun na gran vela de opzions y pusciblteies sëuraprò. Pra l curs ne uniral nia me tratà la tecnica y l bon adurvé, ma dantaprima co nuzé la defrënta funzions cun fundamënt. La se trata dla cunseguënzes de custimënt a druché l OK. Nce la maniera tl adurvé la fonin sarà argumënt dl curs.
L curs unirà tenì ai 3 de dezëmber, dala 14.30 nchin la 18.00 tla Cësa provinziela VII, tla streda Andreas Hofer 18 a Bulsan. La furmazion dl Ufize provinziel per media audiovisuei ie destinà a culaburadëures pedagogics tla scolines, nsenianc de scola, educadëures y genitores de mëndri danter 5 y 16 ani.
as
