Atualità
16 nuvëmber: pruvedimënc per valorisé S.Cristina
USP – N merdi ai 16 de nuvëmber vëniel prejentà i resultac dl studi sun la valorisazion dl zënter de S.Cristina. L assessëur provinziel Thomas Widmann nvieia danmesdi a na cunferënza stampa a Bulsan y da sëira an na reunion di zitadins a S.Cristina.
L Assessorat provinziel per l cumerz à nvià via na scumenciadiva per valorisé l cumerz ti zëntri di luesc, cun pruvedimënc che dëssa miuré l cialé ora, la identità y de cunseguënza a miuré la cualità de vita. S.Crestina ie unida crissa ora danter set chemuns ulache l vën sperimentà de lauré ora n proiet de valorisazion. L ie unì laurà n culaburazion dater reprejentac dla categuries economiches y solzieles, l Chemun y l sustëni scientifich de esperc dl’università de Trënt.
Do 8 mësc de lëur ie S.Crestina l prim di luesc proiec-pilot à pudëi prejenté n catalogh de pruvedimënc per valorisé l zënter dl luech.
I culaburadëures dla redazions ie nviei
n merdi, 16 nuvëmber dala 10.30
ala cunferënza stampa de prejentazion
tl palaz Widmann, streda Crisp 3 a Bulsan.
L rujenerà l assessëur Thomas Widmann, l diretëur dla repartizion per l cumerz Hansi Felder, l ambolt Eugen Hofer y l prufessëur Luciano Pilati.
---
Per la populazion de S.Crestina vëniel n merdi ai 16 nuvëmber, tenì na sëira de nfurmazion dla 20.30 tla cësa de chemun de S.Crestina. I resultac dl studi sun l zënter unirà prejentei dal assessëur Thomas Widmann, l diretëur dla repartizion per l cumerz Hansi Felder, l ambolt Eugen Hofer y l prufessëur Luciano Pilati deberieda cun i tutores di proiec.
as
