Atualità
Festa per l’ulentariat cun uneranzes nce per ladins
USP – Ai 4 de dezëmber uniral tenì l di nternaziunel dl ulentariat. La Jonta provinziela de Bulsan à (ncuei) 22 de nuvëmber delibrà de uneré te chësta ucajion 7 persones che se à fat meric tl ulentariat. Doi de chësta persones fej pert dla grupa de rujeneda ladina.
Ai 4 de dezëmber uniral tla Cësa Walter von der Vogelweide a Bulsan tenì na sëira per uneré persones che se à dat ca particularmënter tl ulentariat. Reprejentanc dla grupa de rujeneda ladina ie Oskar Inasm de Sëlva che se à dat ca per la lies sportives VSS y Walther Valentin per l Servisc ai Jogn dla Val Badia.
I autri che puderà pië do la uneranza sarà Gertraud Oberrauch dl VKE, Rudi Christoforetti dla Union provinziela de teater, Romano Bergamo (LAPIC-UVZ), Anna Egger dl Südtiroler Jugendring y Laura Maretto per la lies dal sport USSA.
as
