Atualità
Ai 25 prejentazion dla campania nueva per la segurëza sun streda
USP - N juebia 25 de nuvëmber vëniel sun l marcià da Nadel a Bulsan prejentà la campania per la segurëza sun streda “Don’t drink and drive”. Davia che l se trata de n proiet de culaburazion danter la Provinzia de Bulsan, l Tirol y l Trentino saral i assessëures Florian Mussner, Richard Theiner y Thomas Widmann deberieda cun i colegh dl Tirol Bernhard Tilg y reprejentanc dl Trentino a prejenté la campania nueva. L slogan ie nce per ladin: “A chël bëgn: Canche i bëri ne vai danz no cun l'auto“.
Per l prim iede vën la campania “Don’t drink and drive“ metuda a jì dala trëi provinzies dl’Euregio, l’adatan ala situazions sun l post. Cun la scrita “A chël bëgn: Canche i bëri ne vai danz no cun l'auto“ per la verscion ladina, uelen mutivé i zitadins a pensé do y à scunjeré desgrazies y straufonghes do avëi bu alcol.
I assessëures provinziei Mussner, Theiner y Widmann prejenterà la campania interregiunela deberieda cun l assessëur dl Tirol Bernhard Tilg y reprejentanc dl Trentino. Te chësta ucajion uniral nce adalerch l presidënt dla lia di osć (HGV) Walter Meister y l diretëur dl Kuratorium per la segurëza sun streda dl Tirol Norbert Balha.
Culaburadëures di media ie nviei n
juebia 25 de nuvëmber 2010
dala 15.00
pra l stont dla Forst
dl Marcià da Nadel, sun plaza Walther a Bulsan
y de fé al savëi de chësta prejentazion.
as
