Atualità
Jonta provinziela: 500 nueva lueges da durmì per sculeies
USP – La cumpëida de lueges tla cëses per studënc smëndresc da ann a ann. Una rejon ie nce ajache l ne vën nia do munighes y patri che mëina chësta cëses. La Jonta provinziela à ncuei, 29 nuvëmber, dat pro de crì 490 lueges per cin zëntri scolastics tla provinzia.
A Persenon iel debujën de 150 lueges y a Maran de 100 lueges per sculeies. Per la scoles autes a Mals y Burgeis mancel ënghe 100 lueges prun, leprò vën mo la scola de Auer ulache l ie debujën de 40 lueges sëuraprò.
Da pert la Provinzia de Bulsan uniral cialà sce l ie mesun abiné vel alternativa sun l marcià liede y scenó, nsci Durnwalder te cunferënza stampa, “messeral unì frabicà majons nueves”.
as
