Atualità
Jonta provinziela: sëurandé stieres tres la Ntendënza
USP – La stieres per nsenianc ne unirà nia pu sëurandates dala direzion dla singula scoles, ma zentralmënter dala Ntendënza scolastica. “A chësta maniera saral mesun avëi na miëura coordinazion y na sëurandata dla stieres plu efizienta” à dit l Presidëntt dla provinzia. Nsenianc dla segonda rujeneda possa provisoriamënter giapé na stiera dl’autra garaduatoria.
Nchinamo univa la stieres de nseniamënt de per dut l ann o nce stieres provisories sëurandates dala direzion de scola. Cun la delibra de ncuei (29 nuvëmber) unirà chësc da moinla fat zentralmënter dala Ntendënza y nsci saral nce plu saurì pité na stiera liedia a vel nseniant che aspieta tla graduatoria dl’autra grupa de rujeneda. Chësc reverda dantaprima la scola tudëscia y taliana ulache per ejëmpl n nseniant che ne à nia giapà na stiera tla scola tudëscia, possa provisoriamënter nsenië tudësch tla scola taliana. Tla scola ladina ie la situazion autramënter ulache duta la stieres ie resservedes per nsenianc dla grupa de rujeneda ladina.
“Mpede fé unì nsenianc da oradecà, possel cun l sistem nuef unì dat da lëur a nosc maestri da tlo” à dit Durnwalder.
as
