Atualità
Program nuef per museré l’aria
USP – La cualità dl’aria dëssa unì musereda aldò de n program nuef udù dant dala Comunità Europea. La Jonta provinziela à (ncuei) ai 13 de dezëmber dat pro de adurvé l sistem nuef che reverda dantaprima la spartizion dl raion provinziel y la mesurazions pra l’autostreda.
D’Agost de chëst ann à la Talia metù n drova na normativa europea che vëija dant n program nuef per museré la cualità dl’aria. Ala regions y provinzies autonomes ti iel unì dat na lingia de duvieres de co che dëssa unì fat la mesurazions y critereis nueves che ie śën unic azetei dala Jonta provinziela.
L raion provinziel unirà me plu partì te doi toc y nia plu te sies per museré l’aria. L unirà desferenzià danter mesurazions ti raions da mont (sëura 1800 metri) y tla valedes. Da nuef iel nce che la mesurazions pra l’autostreda ne unirà nia plu fates diretamënter sun streda, ma sciche scrì dant dala Comunità europea, 10 metri de zes.
as
