Atualità
Sistem per crì plu saurì persones
USP – Per miuré l’azions de jì a crì persones jites perdudes, à la Jonta provinziela (ncuei) ai 13 de dezëmber dat pro de cumpré n sistem sivilupà aposta tl Bayern. Cun chësc sistem iel mesun abiné su l signal dl fonin nce sce l ne à deguna ricezion.
L sistem svilupà dal Kriminalamt dl Bayern se urientea ala mesurazion di raies dl fonin y abina nsci la posizion dl fonin dla persones jita perduda. “Te n raion da mont sciche da nëus iel dassënn rie a abiné persones jites perdudes, mo de plù sce l fonin ne à per vel rejon plu deguna ricezion” nsci Durnwalder te cunferënza stampa.
La repartizions per nfurmatica y prutezion zevila cumprerà la tecnica aldò dal Bayern per n custimënt de feter 64.000 euro. “Sce cun l aiut de chësc sistem nuef iel mesun abiné nce me una persona plu debota, se à bele paià la nvestizion” nsci l presidënt dla Provinzia riesc do la senteda dla Jonta.
as
