Atualità
Duman cunferënza stampa sun la reforma dla scola auta
USP – Ncuei (13 dezëmber) à la Jonta provinziela dat pro la reforma dla scola auta, duman merdi uniral prejentà la nfurmazions plu avisa. Dut chësc te na cunferënza stampa cun i assessëures ala scola Florian Mussner, Sabina Kasslatter Mur y Christian Tommasini.
L plann teritoriel, l plann dla direzions, l plann de furmazion per i mestieres y la ndicazions provinzieles per la defrënta scoles autes: dut chësc per la trëi grupes de rujeneda. Chisc ie i argumënc dla delibres dla Jonta provinziela do mënsc de cunsultazions a duc i livei per pudëi scumencé l ann de scola che vën cun la reforma nce tla Provinzia de Bulsan.
Cie che chësta delibres cumporta, ciuni che ie i argumënc zentrei y cie che se muda, prejënta i assessëures provinziei Mussner, Kasslatter Mur y Tommasini
duman merdi, 14 dezëmber
dala 11.00 danmesdi
tla sala dla cunferënzes stampa
tl palaz Widmann, streda Crispi 3 a Buslan
tl cheder de na cunferënza stampa deberieda.
as
