Atualità
Stlarì la cumpetënza sun l parch dl Stelvio
USP – Te na senteda a Roma cun reprejentanc dla provinzies de Trënt y Bulsan, dla region Lombardia y dl Guviern talian dëssel unì stlarì la cumpetënzes sun l parch naziunel dl Stelvio.
La pruposta dla cumiscion di 12 vëija dant che l’aministrazion dl parch vënie sëurandata al’aministrazions dl post, ulache Bulsan, Trënt y Milan giapa si pert. “A chësta maniera vën l parch nce azetà dala populazion, cossa che ne ie nchinamo nia stata. Sce l ne unissa nia finanziamënc dala provinzia, ne funziunëssa nia l parch” à dit Durnwalder te cunferënza stampa do la senteda dla jonta. La ministra Stefania Prestigiacomo ulëssa mudé la pruposta dla cumiscion di 12 a na maniera che l 51% restëssa tla mans stateles. Durnwalder à detlarà che da pert dla Jonta provinziela de Bulsan saran a una per vel mudazions formeles ma no per per velch de plu.
Per duman, 21 de dezëmber iel udù dant na senteda a Roma cun reprejentanc da Bulsan (assessëur Michl Laimer), Trënt, Sondrio y dl guviern (ministri Presitgiacomo y Raffaele Fitto sun l sotsegreter Gianni Letta)per stlarì la cumpetënzes. Mierculdi, 22 de dezëmber iel sun l orden dl di dl Cunsëi di ministri a Roma la mudazion de cumpetënzes dl parch finanziedes aldò dl’acurdanza de Milan. A chësta senteda ie unì nvià al presidënt dla provinzia Luis Durnwalder.
as
