Atualità
Jonta provinziela: spartì su i 100 milion dl’acurdanza de Milan
USP – Te si ultima senteda dl ann à la Jonta provinziela (ncuei) ai 30 de dezëmber spartì su i 100 milion de euro che vën dai ora dala Provinzia mpede l Stat, y che ti dà perchël cumpetënzes nueves ala Provinzia.
Dan la fin dl ann fovel da udëi dant la spartizion di mesuns udui dant dal’Acurdanza de Milan (danter Provinzia y Guviern Talian) a na maniera che i scioldi dl 2010 ne fossa nia jic perdui.
I assessëures provinziei à dat pro 40 milion per i chemuns che va a sëida cun la Provinzia de Bulsan, 15 milion per la RAI tudëscia y ladina a Bulsan, 5 milion per l Conservatorio de mujiga, 2,5 per la gestion dl parch naziunel dl Stelvio, 2 milion per sëurantò l cuntribut statel al’Università de Bulsan. “I autri 35 milion de euro unirà adurvei per de plu caji, sciche per ejëmpl la spartizion dla posta o la perjon nueva a Bulsan” à dit l presidënt Durnwalder tla cunferënza stampa do la senteda dla jonta. I particuleres de duc chisc nvestimënc messerà mo unì fai ora tres tratatives cun l Guviern Talian.
as
