Atualità
Anjeniei per judé muciadives dal Nordafrica
USP – Davia che tla Talia iel da fé cont cun na gran cumpëida de muciadives dal Nordafrica à nce la Jonta provinziela, (ncuei) ai 28 de fauré rujenà de aiuc, ti cialan plu avisa ala situazion.
La majera pert di muciadives, nsci l presidënt Durnwalder, ne ie nia dla Libia ma da auti paejes dl’Africa, perchël ie la Jonta de chëla che la miecia per chësta persones fossa di purté de reviers ulà che ëi ie da cësa. “Chësta gran onda de muciadives dëssa unì chieteda ju te chëla che n ti juda ala persones de ruvé ulache ëiles uel perdrët, y chël ie ti paejes ujins che à śarà la sëides cun la Libia”, nsci l pensier che l presidënt dla provinzia à prejentà te cunferënza stampa.
Da pert dla Provinzia de Bulsan an bele lascià analisé tan de materiai che n à a desposizion per judé cun chëutres, tendes y container. “Sciche bele te d’autri caji sciche do l tremot, sons for anjeniei per n aiut umaniter” à dit Durnwalder, che à nce detlarà de ulëi dant udëi tan de muciadives che resta efetivamënter tla Talia. Da Bulsan uniral tëut su cuntat cun la zentreles de cumpetënza per avëi for inò nfurmazions nueves sun la situazion atuela. Permò te n segondo mumënt uelen, sce l ie debujën, cialé ulà che n pudëssa dé albierch a muciadives.
as
