Atualità
17 azions per mutivé jëuni a se nteressé de politica
USP – I jëuni se nteressea bën de cie che suzed tla vita publica – politica, sce l ti vën nce pità la cundizions aldò. Sota chësc moto à de plu assoziazions di jëuni n culaburazion cun i assessorac provinziei ai jëuni nvià via la scumenciadiva “Nteressà de politica”. La 17 azions per jëuni de duta trëi grupes de rujeneda ie unides prejentedes (ncuei) ai 02 de merz tl Palaz Widmann a Bulsan.
La scumenciadiva se à metù la mira de purté i jëuni n fruz plu daujin ala politica y la politica n furz plu daujin ai jëuni. Te na majera culaburazion dl Südtiroler Jugendring, i zëntri per jëuni, i servijes ai jëuni, l Kassianeum y la cunsulta provinziela per i jëuni y l sustëni da pert dl Ufize provinziel per i jëuni iel unì laurà ora 17 azion che uel purté inant per cin ani. Duta l’azions se adateda a jëuni, ie sëura la pertes de partit y uel apasciuné i jëuni per politica. Per arjonjer nce chisc fins, an bele tla proietazion trat ite i jëuni nstësc.
I assessëures provinziei per i jëuni dla trëi grupes de rujeneda, Mussner, Kasslatter Mur y Tommasini vëisc gran mpurtanza te chësta scumenciadiva.
“Cun furmazion politica minons dantaldut trëi pertes: l savëi nëut, l’esperienza y l lauré pea” à spiegà Kathia Nocker de Sëlva, presidënta dl Südtiroler Jugendring. L savëi co che funziunea pruzedures politiches ne ie nia dut, iel unì dit te cunferënza stampa. Dantaprima uelen cun la 17 azions pité ucajion che i jëuni posse viver democrazia, la capì y la sentì. Gran valor ti vëniel nce dat ala partezipazion di jëuni, i trajan pea y lascian rujené pea.
La vela de azions per mutivé i jëuni a se dé ju cun politica ie drët rica. Danterauter vëniel dat ucajion de ntervisté jënt sun argumënc politics, la resposta unirà lascedes jì tl radio juntan leprò la drëta nfurmazion ogetiva. N’autra azion per mutivé jëuni a liejer, se de ju cun cultura y l daunì dl’Europa unirà fata te vel dis tla tenda. Tres n juech uniral mustrà su la fazion de dezijions politiches.
N generel uelen tres l mutivé jëuni a se de ju cun politica nce arjonjer n miëur cuntat danter jëuni dla grupes de rujeneda. Jëuni tudësc, taliani y ladins possa fé pea deberieda l’azions. Per chësta rejon iel nce unì anjenià n pitl cudejel de nfurmazion te trëi rujenedes. Nfurmazions de utl per fé pea la scumenciadiva “Nteressà de politica - cool” ie nce da giapé sot a www.politischebildung.it tl internet.
Azions “Nteressà de politica”
1. Cuestions de carater, mujiga, poiszions y paroles
2. Nrescida sun l’educazion politica
3. Storia coletiva
4. Grupa de redazion multiculturela – sun www.giovani.bz.it
5. Cuestions de carater – films curc de y sun jëuni
6. Tëuta de posizion politica di jëuni dl’ena
7. Ce bela la politica sun la malieta
8. Camping de politica per mutons
9. Controi de politica
10. Arbassamënt dl’età de lité
11. Mobilisazion de litadëures jëuni – veles provinzieles 2013
12. Camp da instà – A (anarchich) per teenagers
13. I dërc dla persona spieghei dal pont de ududa di mëndri
14. Jëuni fej tuedes sun la storia
15. Juech: La storia dl Südtirol
16. Manual de politica per jëuni
17. PoBi-Bus
as
