Atualità
Sculeies de Gherdëina vënc l turnoi interladin de hockey
USP – La scuadra de Gherdëina à venciù l turnoi de hockey danter la scoles mesanes dla cin valedes ladines. L’ancuntedes sun la dlacia de Sëlva à cuntribuì a intensifiché i cuntac danter sculeies y respunsabli dla scoles dla valedes ladins tl cheder dla cumpetizion sportiva.
La scuadra di sculeies de Gherdëina sapù da se la fé valëi sun la dlacia de cësa y à venciù la segonda edizion dl turnoi de hockey interladin. I sculeies de Alie (Alleghe) à arjont l segondo plazamënter dan chëi de Fascia che ova venciù l ann passà. L cuarto y cuinto plazamënt ie jit ala scuadres de Cortina y Badia.
La segonda edizion dl turnoi hockey interladin, ai 7 de auril te Sëlva, ie unì metù a jì dal servisc dl sport scolastich dla Ntendënza ladina n culaburazion cun i cuordinadëures dl’autra provinzies. La scumenciadiva fova nasciuda dai servijes al sport dla trëi provinzies de Bulsan, Trënt y Belun cun l fin te tenì la culaburazion danter la scoles dla valedes ladines.
Per n auter ann se à bele la sëurastanza de Fascia sëurantëut de mëter a jì l turnoi de hockey. La Ntendënza Ladina cun i cuordinadëures per l sport ie tl lëur de proieté n turnoi dla mendranzes dl’Elpes per scoles autes.
as
