Atualità
Servijes nueves online cun la cherta di servijes
USP – N var inant à fat l proiet dla cherta sanitera-cherta di servijes. Dal 11 de auril iel cun chësta cherta mesun se nuzé de na lingia de servijes digitei che va dala borses de studi, la borses dl lëur nchin ai cuntribuc per l ulentariat. Te chësta prima fasa ulache la jënt possa mparé a cunëscer i servijes E-government, iel nce mesun se nuzé di servijes ala vedla maniera cun username y password.
Do che feter 400.000 tesseres ie unides baratedes ora cun la nueves, à scumencià la fasa de ativazion dla tessera di servijes y nsci vëniel fat n var inant cun l proiet nvià via da n valgun mënsc dal’aministrazion provinziela. N lunesc ai 11 de auril à scumencià la migrazion de n pachetl de servijes E-government (borses de studi, borses dl lëur, cuntribuc per l ulentariat). Te chësta fasa transitoria dal vedl sistem al sistem nuef, possen nce nuzé i servijes ala vedla maniera telematica cun l azes cun username y password.
Chiche à bele fat l’ativazion dla cherta à l vantaje de pudëi adurvé i servijes a na maniera plu segura y stravardeda. L tleca sburdlé la cherta tl aparat da la liejer y dé ite l codesc PIN.
Nfurmazions y spiegazions sun la cherta sanitera-cherta di servijes giaten cherdan su l call center (lunesc al vënderdi 9-17 al numer vërt 800 816 836).
Nfurmazions sun la cherta nueva ie nce da giapé sun l web, al adres www.provincia.bz.it/cartaservizi y sun Facebook sota la numinazion "carta provinciale dei servizi".
as
