Atualità
Deguna prescion ala Provinzia per la chëuta sun l turism
USP – L finanziamënt de urganisazions turistiches ie ai 18 de auril (NCUEI) stat argumënt dla senteda dla Jonta provinziela. Do na descuscion longia iel unì tëut la dezijion de nia sëurantò l regulamënt statel. “Dal’autra pert ne ons nce deguna prescion de messei te puech tëmp mëter n drova na forma nueva de finanziamënt” à dit l presidënt dla Provinzia Durnwalder.
Tl cheder dl federalism dla chëutes à l Guviern a Roma nce metù sun mëisa l’idea de na chëuta per sun l turism.
La Jonta provinziela à tëut la dezijion che la regula a livel naziunel ne unirà nia sëurantëuta tla provinzia de Bulsan. L Ufize provinziel de avocatura ie de chëla che la Provinzia ne muessa nia fé na regulamentazion nchin ai proscimi sies mënsc. “A chësta maniera ne iel deguna prescion” à dit l presidënt Luis Durnwalder.
Aldò dl assessëur al turism Hans Berger iel debujën de na miëura forma per finanzië l’urganisazions turistiches che se adatea miec ai tëmps. “La urganisazions turistiches ti luesc se stiza sun la bona ulentà y perchël ne iel sun n tëmp plu lonch nia garantì la segurëza de finanziamënt. La va de pensé do ciuna forma che possa garantì l finanziamënt tl daunì” à dit Berger.
as
