Atualità
Ai 5 de mà sëra dedicada a Rosendorfer tla Teßmann
La Biblioteca provinziala Teßmann mët a jì en jöbia, 5 de mà dl 2011, dales 8, na sëra dedicada a Herbert Rosendorfer. Do na picia introduziun sön le material che al ti à lascè ala Biblioteca liaràl dant val’ fora de süa opera „Deutsche Geschichte“.
„Deutsche Geschichte“ de Rosendorfer da inant savëi de storia a na manira plajora. I sis volums se dà jö cun le tëmp che va dai Germans ćina ala fin dl vedl impêr dl 1806. Ai fej a na moda che i leturs taches tres le savëi sön la storia, na bela manira de cuntè, anetotes sternüdes y n punt de odüda original.
Herbert Rosendorfer é nasciü a Balsan dl 1934 y é jü a stè a Minca dl 1939. Do avëi stlüt jö so stüde de iurisprudënza él stè vicare te de plü posć dl Paiern; da inultima él stè vicare pro la Curt d’Apel de Naumburg. Dal 1969 incà àl publiché tröc romanns, cunties y tòć de teater. Al é professur de storia dla leteratöra dl Paiern al Université Ludwig-Maximilians de Minca. Rosendorfer à ciafè tröpes onoranzes por süa opera leterara, danter l’ater le Pest Jean-Paul dl 1999 – la majera onoranza por la leteratöra dl Paiern, le pest por la leteratöra de Minca dl 2005 y pro la Corine dl 2010 l’onoranza dl Presidënt di Ministri dl Paiern por süa opera de na vita.
Herbert Rosendorfer vir dal 1997 incà adöm cun süa familia tl Südtirol (Eppan).
Dal 1987 incà ti à Herbert Rosendorfer surandè ala Biblioteca provinziala te plü iadi na pert de so patrimone. Ara se trata dantadöt de süa corespondënza privata y cun la ćiasa edituria, de tröc manoscrić y de documënć privać. Dl 2009 àn metü man de l’archivié do regola, laûr che é gnü stlüt jö dl 2010.
usp
