Atualità
Lëur da instà per jëuni sciche l’ann soziel
USP – La Jonta provinziela uel ti judé ai jëuni che chier n lëur per l instà. Dantaldut per jëuni tl’età dla scola auta ulëssen ti pité la puscibltà de fé n servisc sciche chël dl ann soziel.
A jëuni da 16 a 18 ani ulëssen dé la puscibltà de fé n lëur da instà ala cundizions de chëi che fej l ann soziel ulache i possa mparé a cunëscer l lëur tla strutures sozieles. “L fossa na bona per i jëuni per svilupé n cuntat cun l ciamp soziel, per se davanië velch y per avëi nce velch da fundamënt da fé ntan l instà” à dit Durnwalder do la senteda dla Jonta. Te ce mesura che se lascëssa fé lëures da instà sciche l’ann soziel, unirà śën analisà plu avisa per stlarì nce cuestions de dërt y urganisazion.
as
