Aministraziun | 20.06.2011 | 14:37

Jonta provinziela per n’agenzia da sëurandé ncëries publics

USP – Na nterpretazion unificheda per sëurandé ncëries, sparanië scioldi y dé segurëza giuridica ie i fins prinzipei che dëssa unì arjont metan su n’agenzia che se cruzië dla sëurandata de ncëries publiches. La Jonta provinziela à (NCUEI) ai 20 de juni delibrà l prinzip de mëter su na tel agenzia che dëssa vester de utl per duta l’aministrazions publiches.

La basa giuridica per la ncëries y i lëures publics ie deventeda drët cumplessa y ria sa se deriejer. Chësc à purtà ala situazion che l ie de plu nterpretazions y che l ne vën nia dlonch sëurandat la ncëries ala medema maniera. Cun l Cunsëi di chemuns iesen ruvei a una de cialé sce l ne se lascëssa nia mëter su na zentrela per la sëurandates y chësta pudëssa nce dé cunsulënza a d’autra istituzions publiches.

La Jonta provinziela se à dat ju cun chësta problematica y à tëut la dezijion de nvië via na tel agenzia. “On nciarià l diretëur generel Hermann Berger de tò su cuntat cun la istituzions publiches y de lauré ora n cunzet per na tel agenzia” à dit Durnwalder do la senteda dla Jonta. L’agenzia ne dëssa nia me vester n zënter de cunsulënza, ma la dëssa nce sëurantò l scrì ora de lëures che unissa fat a paiamënt. “A chësta maniera vëniel arjont plu segurëza juridica, sparanià custimënc y i lëures vën nce coordinei miec” à dit l presidënt dla Provinzia.

as

Galaria dales fotografies

La Jonta provinziela de Bulsan ntan si senteda dl lunesc;