Atualità
Jonta regulamentea l strom y l ciaut dl furnel dal refudam
USP – L furnel dal refudam a Bulsan dëssa unì finà per l 2013. Ntlëuta dëssa l strom y l ciaut unì nuzà aldò dla diretives che la Jonta provinziela à dat pro (ncuei) ai 04 de lugio.
L strom che n giaperà ora dal brujé dl refudam dëssa unì spartì su te pertes unfat ala SEL y ai Etschwerke, pitan a tramedoi la medema cundizions. L ciaut dl furnel dëssa unì metù a desposizion dla cëses populeres daujin al raion Bulsan Sud y al spedel. “Acioche chëst doi ressorses possa bele unì nuzedes da scumenciamënt dla funzion, dëssel śën unì fat la roles de culegamënt per n custimënt de 4,7 milion de euro” à dit l presidënt la Provinzia te cunferënza stampa. La firma Ecoterm che ie tla mans dla SEL, puderà se nuzé dl ciaut y muessa nce nen dé inant l 50%. Chësta firma dëssa nchin che l furnel sarà finà fé la roles de culegamënt cun l spedel.
as
