Atualità
Jonta per n mënder ngrandimënt dla tlinica Bonvicini
USP – La Jonta provinziela à (ncuei) ai 11 de lugio dat pro a n cumpromis per ressolver la cuestion dl ngrandimënt dla tlinica Bonvicini a Bulsan, Gries. L dëssa me unì fat un partimënt leprò y de ndut manco cubatura nueva.
Sun pruposta dl’assessëur Michl Laimer iel unì dat pro che la tlinica tla streda Pacher a Bulsan possa unì ngrandida de un partimënt y nia de doi partimënc sciche l fova udù dant tl proiet. A chësta maniera iel unì dat pro 15.800 metri cubich de cubatura nueva mpede 16.500 coche se ova damandà i patrons. L ne unirà nia smendrì la cumpëida di liec, ma l ngrandimënt cumpurterà na partizion nueva dla cubatura cun la puscibltà de fé mo n toch da la pertes su. L ne puderà nia unì fat n garasc nuef.
as
