Atualità
Durnwalder y Mussner gëura ai 22 de lugio l Geotrail sa Bula
USP - Ai 22 de lugio giaurirà l presidënt dla Provinzia Luis Durnwalder y l assessëur ai lëures publics Florian Mussner l Geotrail nuef sa Bula. Sun l troi possen udëi testemunianzes de 300 milion de ani de storia de nosc planet.
L Geotrail Bula ie n troi gelogich nuef danter Pass Pinei y Bula. Sun tofles anjeniedes dai prufessëures Rainer Brandner dl Istitut per geologia a paläontolgia dla Università de Dispruch y Lorenz Keim dl Ufize provinziel per Geologia possen mparé a cunëscer la storia dl’evoluzion dla Dolomites. L troi ie unì fat sun ncëria dl Ufize provinziel Geologia deberieda cun l Ufize per i Parcs naturei y l Chemun da Ciastel.
L presidënt dla Provinzia Durnwalder y l assessëur ai lëures publics Mussner giaurirà l troi nuef ai 22 de lugio deberieda cun l ambolt da Ciastel Andreas Colli. L prufessëur Brandner y Lorenz Keim prejenterà l troi geologich.
Culaburadëures di media ie nviei ala giaurida
n vënderdi ai 22 de lugio, dala 11.00 danmesdì
y de cunedì l proiet.
N se anconta pra l Crist suinsom dal streda che ie unida sareda do che l ie uni fat l tunel. Chësc pont possen arjonjer a pe pian via suinsom dl tunel nuef.
as
