Atualità
Jonta dà pro mplanc fotovoltaics sun cëses provinzieles
USP – Sun 12 cëses provinzieles dëssel unì fat mplanc fotovoltaics per trasfurmé energia dl surëdl te strom eletrich. Chësc à fat ora i assessëures provinziei te si senteda dl 08 de agost (NCUEI). I mplanc nueves fej sparanië n’emiscion de 303 tones de CO2.
I mplanc fotovoltaics sun la cëses provinzieles dëssa garantì na produzion de 385 kw/ëura che te n ann fej ora na produzion de 346.000 KW/ëura. La nvestizion de 1.978.000 euro, curida tres n finanziamënt europeich, dëssa fé sparanië 60.000 euro al ann. “La nvestizion ne vën nia tan fata per rejons economiches, ma dantaprima ajache la fej sparanië 303 tones de anidrida de carbonium” à spiegà l vizepresidënt dla Provinzia Hans Berger, che à menà la senteda dla Jonta provinziela.
La 12 cëses provinzieles n cuestion ie dutes a Bulsan. L se trata dla cëses provinzieles trëi (streda Crispi 8), cinch (streda Raiffeisen 5), sies (streda Brennero 6) y nuef (streda Renon 4). Mplù uniral metù su mplanc fotovoltaics sun la casermes di destudafuech tla streda Druso y pra l aeroport, tla scoles autes "C. Battisti" (streda Cadorna 16), "H. Kunter (streda Guncina 1), "G. Galilei" (streda Cadorna 14) y "M. Valier" (streda Sorrento 20), "R. Gasteiner" (streda Roen 12) y l Istitut zooprofilatich tla streda Bivio 59.
as
Landeshauptmannstellvertreter Berger über die Investitionen in Photovoltaik-Anlagen
- Scarica il file audio 223 kb
