Atualità
Streda de Frea inò davierta do che fova unì ju sasc
USP - Do che l ie unì ju sasc sun la streda dl jëuf de Frea, à ncuei (8 de agost) danmesdì messù unì sarà la streda. Feter n meter cubich de sasc fova tumei ju da Mëisules. Do n sëuraluech di geologhes y do che l ie unì rumà su la streda, iela inò unì giaurida.
Ti raions de Mur Frëit, fovel da duman tumà ju sasc sun la streda dl jëuf de Frea. L geologh Lorenz Keim à sciazà n meter cubich de material. “Na valutazion plu a puntin ne ie nia mesun davia che l se trata de truep de pitli sasc, che ie nce periculëusc sce l passa via auti” spiega Keim.
Do che l fova unì ju i sasc à l assessëur Florian Mussner riesc lascià saré la streda. L raion ulache fova crepà ora i sasc ie unì cunscidrerà dai geologhes. Davia che l se trata de n raion periculëus da ruvé permez, iesen julei su cun n joler. Cun aiut de doi mëinacrëp de Gherdëina ie l raion periculëus unì rumà ju da sasc melsegures. Do chisc lëures possen inò passe sun la streda dl jëuf de Frea.
as
