Atualità
La Jonta regulea la fuera
USP – N regulamënt provinziel vëija dant tan adaut che possa vester la fueres. Do che l ie stat de pu stritoc dan suneria per la ciampanes de dlieja y tieres, à la Jonta provinziela (NCUEI) ai 29 de agost adatà l regulamënt.
“La diretiva provinziela de limitazion dla fuera ne reverda nia i tieres di luesc da paur y la ciampanes de dlieja” à dit l presidënt dla Provinzia, do la senteda dla jonta ulache l ie unì tratà chësc argumënt. Cun chësc pruvedimënt ne uelen nia lascé pro che vede inant la gran cumpëida de recursc contra la fuera dla ciampanes dla vaces, i giai y la ciampanes sun i ciampanii. “L va tlo de abiné n balanz danter la persones desturbedes dala fuera y l respet per la usanzes de nosc raion”, à dit Durnwalder.
as
