Atualità
Jonta provinziela: strom a miëur priesc per istituzions publiches
USP – La Jonta provinziela de Bulsan uel scrì ora n cuncors per giapé l strom per la istituzions publiches a miëur priesc. Chësc ie unì fat ora (NCUEI) ai 06 de setëmber do avëi rujenà cun i chemuns.
Cumpré per trëi ani ndolauter dut l strom per la istituzions publiches tl Südtirol deberieda y giapé n miëur priesc: chësta ie la idea che la Jonta provinziela uel purté inant a una cun l’Associazion di chemuns. “L se trata de 315 milion de kilowatt al ëura, che te tëmp de trëi ani fajëssa ora ntëur la 46 milion de euro” à dit l presidënt Durnwalder riesc do la senteda. Tres n cuncors a livel europeich uelen udëi cie che la firmes pieta.
L strom che unissa cumprà deberieda ne unissa nia me adurvà per la strutures dla Provinzia, ma nce per i chemuns cun la scoles o spedei cun servijes saniteres y soziei.
Tl cuncors che l unirà scrit ora ne uniral nia tenì n cunsciderazion strom fat cun energia nucleera. “Se nuzé de energia fata cun la forza nucleera jissa defin contra nosta idea de deventé n raion che straverda particularmënter l tlima” à dit l presidënt dl Provinzia.
as
