Atualità
50 milion per cuatieres a saudeies
USP - La Jonta provinziela de Bulsan à te si senteda (da NCUEI) ai 26 de setëmber dat pro de junté 50 milion de euro al capitul per ressanamënc de cuatieres per saudeies. Chisc cuatieres ie pert dl barat cun l Stat per giapé raions militeres, te de bona posizions, che ne vën nia plu adurvei.
Acioche la Provinzia giape puscions militeres che ie suvënz nce ti zëntri, vëniel ressanà cuatieres per saudeies. L barat cun l Stat ne vën nia me fat per la puscions dassëules. “Da canche l ie me plu saudeies che fej si atività de mestier, iel nce debujën de cuatieres. Te chëla che i saudeies giapa tlo da nëus cuatieres tres l barat cun l Stat, ne se damanda i saudeies nce nia cuatieres dal Istitut per cuatieres soziei” à spiegà Luis Durnwalder do la senteda dla Jonta. I lëures per ressané i cuatieres per saudeies à bele scumencià tla casermes a Eppan y jirà inant a Vahrn.
as
