Atualità
Jonta provinziela se pera contra l saré de suneries
USP – Aldò dla manovra finanziera per salvé la finanzes dl Stat Talian, dëssel unì sarà la mëndra suneries per sparanië. La Jonta provinziela de Bulsan à (NCUEI) ai 26 de setëmber fat ora de ntervenì per tëmp acioche ne vënie nia saredes la suneries.
“La populazion dëssa pudëi fé via custions de suneria te si raion, perchël ulons se dé da fé acioche la suneries de Schlanders, Maran, Persenon y Burnech ne muessa nia unì saredes” à di l presidënt Luis Durnwalder riesc do la senteda dla Jonta. I assessëures provinziei uel mantenì la suneries ajache les pieta n servisc daujin ala populazion y leprò nce stieres. Aldò dl presidënt dla Provinzia de Bulsan se tratela de defënder la spartizion teritoriela y chësc uelen purté inant deberieda cun Trënt.
as
