Atualità
Miuramënt dla streda de Gherdëina da Tluses ite
USP – Sun la streda danter Tluses y Urtijëi vëniel fat lëures de miuramënt. Davia che tlo passa nce truep mesuns pesoc ova la streda zedù y sën vëniel fat n majer ntervënt per garantì i culegamënc sun la streda de Gherdëina.
Puech dan l prim tunel danter Urtijëi y Tluses vëniel fat da nuef la fundamënta de streda de viers de val. Chësta streda muessa nia me tenì truep mesuns pesc, ma nce la cundizions meteo che muda dassënn danter ciaut y frëit. “La cunseguënza de chisc fenomenns ie che la streda se la paia y perchël ie debujën de ntervenì y la cumedé” spiega l assessëur ai lëures publics Florian Mussner. L custimënt di lëures ie de 129.000 euro.
I lëures che vën fai dala firma Enrico Rella de Urtijëi cun la coordinazion dl Servisc per la stredes tl raion Salten-Scilier, ie prugramei nchin ala fin de nuvëmber. Ntan chësc tëmp possa i auti me passé de un viers al iede.
as
