Atualità
Jonta provinziela cunzed 400 liec a S.Crestina
USP - A S. Crestina puderal unì pità 400 liec turistics de plu. La Jonta provinziela de Bulsan à (NCUEI) ai 14 de nuvëmber azetà l cunzet de svilup turistich aldò.
Aldò dla dezijion dla Jonta provinziela possa l Chemun de S. Crestina udëi dant nchin a 400 liec turistics nueves te raions turistiches nueves o te raions ulache l ie bele cëses che pieta albierch. “L Chemun ova damandà 850 liec nueves, ma cunscidran che ultimamënter iel jit perdù feter 250 liec, ons azetà 400 liec nueves” à spiegà l presidënt Durnwalder tla cunferënza stampa do la senteda dla Jonta. La Jonta provinziela à tëut la dezijion cun duc a una.
La pruposta de 400 liec ie unida fata dala grupa de lëur che à studià la documentazion mandeda ite dal chemun.
as
