Atualità
Tlausura: cunzet de svilup per l Stelvio y lege per mené jënt da mont su
USP – Do che la Jonta provinziela à dat pro l daz per la streda dl Stelvio, iel pra la tlausura unì fat ora de ntegré l daz te n cunzet generel de svilup. Mplù à i assessëures provinziei nvià via na lege per mené jënt da mont su.
Mo dan l instà dëssel unì damandà n daz sun la streda dl Stelvio. Ma chësc ne ie nia dut. Tla tlausura à la Jonta provinziela fat ora de realisé n cunzet generel de svilup per fé deventé l raion dl parch naziunel n’atrazion turistica. „L daz dassëul ne ie nia la soluzion. Per lascé pro n svilup che dura tl tëmp, dëssel unì fat n program generel ntëur la streda che tol nce pea Sondrio y la val Müstair“ à dit Luis Durnwalder.
Na nueva lege provinziela dëssa nce regulé l’atività de chëi che mëina jënt da mont su y de viac. N pue’ sciche pra i mëinacrëp y maestri de schi, dëssel nce pra chësta ativiteies unì pertendù n standard de cualità.
as
