Trafich | 05.03.2012 | 14:43

Criteries dla Jonta per i joi da Bulsan a Roma

USP – Trëi iedesc al di dëssen pudëi julé a Roma y de reviers, chësc cun julieres da 70 posc’ y n cuntinghënt de chertes a miëur priesc: chisc ie i criteries che la Jonta provinziela à (NCUEI) ai 05 de merz dat pro per scrì ora l trasport cun l joler da Bulsan a Roma.

Per drët iel l’autorità per la segurëza de jol ENAC che fajerà l cuncors per l culegamënt Bulsan – Roma, ma la Jonta provinziela mët dant i criteries. Nscì iel unì dat pro trëi ponc de referimënt. Sibe da Bulsan de vies de Roma, che n ce de reviers, dëssel unì pità trëi pusciblteies de jol al di.

I julieres dëssa avëi almanco 70 lueges da senté. “Chësta mascins à aldò di esperc de plu vantajes permez ala mëndres. Les costa de manco y les mpesta manco l ambient” à dit l presidënt Durnwalder do la senteda dla Jonta. Julieres da 50 posć ne vën nia drë adurvei, tei da 30 ie massa pitli per chësta linia.

Sciche terzo di criteires, se à i assessëures provinziei damandà n cuntinghënt per chertes a miëur priesc. Ntan l fin dl’ena dëssa almanco 20 percënt dla chertes custé al plu 199 Euro, ntan l’ena almanco 10 percënt. Chësc ie minà per na cherta inant y de reviers. De ndut à la Jonta provinziela udù dant 1,208 milion de euro per chësc servisc, nscì sciche udù dant dala normes europees. “Chësc ie l custimënt udù dant, śën iel da udëi ce priejes che l unirà pità per vëncer l cuncors” à dit l presidënt dla Provinzia.

as