Atualità
Mudazions plu scëmples al plann di purtoies y mplanc
USP – Per fé mudazions a purtoies da schi o ai mplanc porta mont fovel nchinamò debujën de truepa dumandes y documentazion. La Jonta provinziela de Bulsan uel scemplifiché la pruzedures y ie per na unificazion dla dumandes.
Per spusté o ngrandì vel purtoi messovel nchinamò unì fat dumanda documentan a puntin la mudazion. “Tl daunì dëssel unì udù dant l raion per mplanc y purtoies, y te chësta sëides saral pona plu lidëza de lauré” à dit l presidënt Luis Durnwalder (NCUEI) ai 02 de auril do la senteda dla Jonta provinziela.
Mpede la dumanda per uni singul purtoi, bastëssa nsci chël che ie udù dant per l raion. Na pruzedura plu scëmpla udëssa dant, aldò dl presidënt, che l fossa me plu debujën de na dumanda unica y che n cumité trate pona l cajo.
as
