Atualità
Cuncors per ativiteies europees cun scoles d’autri paejes
USP – L Ministere per l’Istruzion a Roma à tl cheder dla scumenciadiva “Europa dl’Istruzion” scrit ora n pest Label 2012. La scoles dla provinzia che à fat esperienzes de partnerariat europeich possa tò pert al pest “L’Europa muda la scola”.
L cuncors ie daviert a duta la scolines, scoles elementeres, mesanes y autes. Chi che à nteres à fé pea muessa prejenté l svilup dla cooperazion cun d’autra scoles dl’ Europa sotrissan i mudamënc che l ie unì a s’l dé pra i nsenianc, sculeies y studënc che à fat pea la scumenciadiva. L scrit de almanco 300 paroles, y de nia plu che 1000, muessa mustré su l valor che l’esperienza à purtà ai fins educatifs dla scola. L ann passà à l istitut raionel de Toblach – danter la diesc scoles premiedes – venciù l pest cun n proiet de partenariat cun na scolina dl’Austria.
La scoles che à nteres muessa mandé ite l scrit ala Ntendënza dan di 18 de mei 2012. Persona de referimënt per chësc cuncors ie Olimpia Rasom telefonn 0471-417016, (www.provinzia.bz.it/ntendenza-ladina).
usp
