Atualità
Jonta provinziela da pro 88 milion per l fond de rotazion
USP – Tres l fond de rotazion à la Jonta provinziela (NCUEI) ai 04 de juni metù 88 milion de euro a desposizion de deplù ciamps per dé ora credic a de miëura cundizions. Cun chësta soma iel mesun curì duta la dumandes che ie ruvedes ite, dajan nsci n aiut mpurtant al’economia da tlo.
La soma de 88 milion de euro vën da doi pertes. 60 milion de euro ie scioldi frësc prugramei dala Jonta provinziela. L’autra pert ie scioldi mprestei che vën paiei de reviers. Chësta pert fej ora de ndut 56 milion de euro, ma l mez ruva tl fond de inuvazion. “Te chësc auter fond vëniel metù ite scioldi nchin ruvé a an soma de 150 milion y chësc sarà bele ala fin de chësc ann” à dit Luis Durnwalder. L auter mez di scioldi che vën paiei de reviers, 28 milion de euro, ruva tl fond de rotazion nstës.
A chësta maniera iel mesun mpresté 88 milion de euro a ciamps defrënc dl’economia y urganisazions privates de sanità. Nchinamò iel bele unì dat pro dumandes per 84 milion de euro. “Chëstes sons sën boni de curì dutes” à dit Durnwalder.
I scioldi che avanza vën metui sun na pert per n auter ann. “L ann che vën nes mancerà i scioldi frësc, perchël puderons me plu spartì ora chël che vën paià de reviers” à dit l presidënt dla Provinzia.
as
