Atualità
12 de juni: resultac dla detlarazion de grupa de rujeneda
USP – Tan de jënt à pa la grupa de rujeneda ladina, la grupa taliana y tudëscia? I resultac dla detlarazion de grupa de rujeneda n ucajion dla cumpededa dla jënt 2011 unirà prejentei n merdi, 12 de juni te na cunferënza stampa a Bulsan.
Uni diesc ani, canche vën fat la cumpededa dla jënt, vëniel tl Südtirol nce damandà la detlarazion de grupa de rujeneda. Per l prim iede ie chësta detlarazion unida fata sun basa anonima, defin per la statistica. A chësta maniera ne à la detlarazion deguna fazion sun la situazion persunela. Ma per la grupes de rujeneda ala na gran fazion davia che sun chësta detlarazions se stiza l sistem dl pruporz. Da chësc depënt co che vën spartides su la stieres publiches, i cuatieres soziei, l finanziamënt per l’ativiteies cultureles y na bona pert dl finanziamënt per la scoles.
I resultac dla detlarazions che ie unides dates ju d’autonn 2011 y la cunseguënzes che les cumporta prejenterà l presidënt dla Provinzia Luis Durnwalder y l diretëur dl Istitut de statistica Alfred Aberer deberieda cun la diretëura dl ufize per statistica dla populazion Johanna Plasinger y Fabio Bonifaccio che à coordinà la cumpededa di formuleres dai ju.
Culaburadëures di media ie nviei ala cunferënza stampa
n merdi, 12 juni
dala 11.00
tla sala stampa dla Jonta provinziela
palaz Widmann, plaza Silvius Magnago a Bulsan.
as
