Atualità
Jonta provinziela: prima pert dla lege sun la familia
USP – La Jonta provinziela à dat pro la prima pert dla pruposta de lege per la families. La pert data pro (NCUEI) ai 16 de lugio reverda l’assistënza di fantulins te chëla che l ie dantaprima debujën de na unificazion dl finanziamënt.
La formes de assistënza de fantulins che vën bele pitedes ala families à debujën de na definizion plu tlera. Sciche à spiegà l presidënt Luis Durnwalder riesc do la senteda dla Jonta iel mplu de majera defrënzes de co che vën finanzià l servisc dl’umans dl di o i zëntri per fantulins te si defrënta formes. Cun la lege provinziela nueva ulëssen arjonjer na forma unificheda de finanziamënt danter Provinzia, Chemuns y families.
I assessëures provinziei ie stai a una che l dëssa unì anjenià n fond de finanziamënt te chël che la Provinzia y i chemuns paië ite tla medema mesura.
L mëter a desposizion de strutures per i servijes ai fantulins ie duvier di chemuns. Aldò dl presidënt dla Provinzia iel purempò debujën che i chemuns se mëte a una cun la Provinzia ulà posizioné chësta strutures.
Per pudëi se adaté ala nuviteies dla lege sun la familia vëniel fat cont che la normes nueves vede n droa cun jené 2014.
as
Landeshauptmann Durnwalder präsentiert die Details des ersten Teils des Familiengesetzes
- Scarica il file audio 972 kb
