Atualità
10 auril: pest dla mendranza al Dalai Lama - acreditazion
USP – N mierculdi che vën, 10 auril, sëurandarà l presidënt dla Provinzia Luis Durnwalder l pest dl Südtirol per la mendranzes a Tenzin Gyatso, l 14esm Dalai Lama. Culaburadëures di media che uël fé al savëi dla sëurandata a Bulsan (cun cunferënza stampa), muessa fé n’acreditazion nchin a n merdi che vën.
Bele dai ani vëniel tenì cuntac danter l Südtirol y tibetans tl esil, cun nce n cuntat persunel danter l presidënt dla Provinzia Durnwalder y l Dalai Lama, che mëina i tibetans spiritualmënter (y plu da giut nce aministrativamënter). I tibetans se à studià l model d'autonomia dl Südtirol. Per si mpëni per i tibetans zënza adurvé viulënza, sëurandarà la Jonta provinziela al Dala Lama l pest dl Südtirol per la mendranzes,
n mierculdi, 10 de auril
dala 9.30
tla chëurt dl palaz Widmann
plaza Silvius Magnago 1 a Bulsan.
Pra la sëurandata dl presidënt Durnwalder saral nce duta la Jonta provinziela. Riesc daldò darà Durnwalder y l Dala Lama na cunferënza stampa tla sala stampa dla Jonta provinziela tl palaz Widmann (bas ite).
Jurnalisć, operadëures cun camera y fotografes che uel fé al savëi dla sëurandata y dla cunferënza stampa, muessa fé l'acreditazion pra l servisc provinziel de comunicazion nchin merdi 09 de auril 2013, dala 12.00. L tleca mandé na e.mail (a alexander.stuffer@provinzia.bz.it) dajan l inuem dl jurnalist, dl operadëur cun camera o dl fotograf y l media per chël l fajerà l lëur jurnalistich.
as
