Atualità
Prova per l furnel dal refudam a Bulsan tla mans dl Ecocenter
I lëures per l furnel dal refudam nuef a Bulsan Sud ie bele na n bon pont y ti proscimi mënsc dëssa scumencé na prova de sies mënsc. La Jonta provinziela ie (NCUEI) ai 15 de auril stata a una che chësc tëmp de prova dëssa unì aministrà dal ECOcenter AG che ie de avëi di chemuns.
Per pudëi purvé ora l furnel dal refudam ie de bujën de material y chësc dëssa aldò dl presidënt dla Provinzia unì menà adalerch da Puster y dala Venuesta. La feter 30 persones che ie de bujën per mené l mplant ntan la fasa de prova dëssa mëter a desposizion l ECOcenter AG che ie de avëi dl Chemun de Bulsan, de autri 57 chemuns y dla Provinzia. "A chësta maniera possa la sozietà bele fé sperienza che ti sarà de utl canche la se trata de muever cun l'atività de plën." L custimënt dl tëmp de prova fej pert dl frabiché y ie perchël bele finanzià.
Tres l Assessorat ai lëures publics à Provinzia de Bulsan frabicà l mplant nuef per feter 123 milion de euro. Cun l pest dl Stat per la produzion de energia alternativa, restel aldò de Durnwalder me plu da paië feter 70 milion de euro. Chësc custimënt dëssa unì sëurantëut dal ECOcenter. (USP)
as
