Atualità
Jonta dà pro l program dl’agenzia per sëurandé lëures
Ntan i proscimi trëi ani puderà l’agenzia provinziela per cuestions che reverda l sëurandé lëures publics y servijes lauré mo miec: la Jonta provinziela à (NCUEI) ai 22 de auril dat pro l program de lëur. Chësta agenzia à te chësc mumënt 188 cuncorsc y pruzedures tl lëur che vën fates per cont dla Provinzia, de Chemuns, de Comuniteies de raion y privac.
"La pruzedures per scrì ora lëures publics y servijes tl respet dla normes stateles y europees ie devënta n lëur drët cumples, te chël che truep chemuns ie stentà" à dit l Presidënt dla Provinzia n cont dl'agenzia provinziela per sëurandé lëures. La Jonta provinziela à dat pro l prugram de lëur 2013-2015 aldò de chël che l servisc dëssa mo unì miurà. Te chësc mumënt lëura 23 esperc te chësta agenzia y porta inant 188 cuncorsc y pruzedures: 86 reverda la Provinzia, 60 i chemuns, 16 de plu cunsorc y vel una nce privac. Duta chësta pratiches reveda ncëries per feter 700 milion de euro. (USP)
as
