Frabiché | 06.05.2013 | 14:35

Jonta provinziela: 10 milion per asfalt nuef

L inviern cun truepa nëif à dantaldut sun la stredes ti luesc da mont lascià l sëni. Sëuraprò ai lëures per asfalt nuef che ie bele unic sëurandai, à la Jonta provinziela (NCUEI) ai 06 de mei fat ora de junté mo doi milion per miuré l asfalt. A chësta maniera uniral chëst ann spendù 10 milion per asfalt nuef.

Aldò dl assessëur ala stredes Florian Mussner ie i lëures per mëter asfalt da nuef bele unì scric ora y nce sëurandai. A chësta maniera possa prësc scumencé i lëures per n custimënt de 8 milion. Davia che la stredes ie chëst an drët melciafiedes à la Jonta provinziela à fat ora de junté mo doi milion de euro sëuraprò per miuré l asfalt. "Cun chësc finanziamënt sëuraprò ulons inò n iede demustré che da canche la gestion dla stredes ie passeda ala Provinzia, ie la stredes tlo da nëus mantenides miec" à dit l presidënt dla Provinzia tla cunferënza stampa do la senteda dla Jonta. (USP)

as

Galaria dales fotografies

I lëures per l asfalt nuef possa riesc scumence (foto USP).