Atualità
Cumiscions de matura tla scoles autes ladines
Te sies enes, ai 19 de juni scumëncia i ejams de matura. L ntendënt ala scoles ladines à śën numinà la 5 cumiscions per l’ejam de matura.
L decret dl ntendënt ala scoles ladines Roland Verra vëija dant i presidënc de cumiscion y i cumisseres internes y externes aldò dla materies de ejam. De ndut iel 26 nsenianc de scola auta che valuterà i candidac dla scoles ladines te cin cumiscions.
Tl Istitut tecnich economich da la Ila saral chëst ann 14 candidac per l ejam de matura. Tla medema sezion dl Istitut Raetia de Urtijëi 20 sculeies plu un n privatist. Tla sezion linguistica dl Istitut economich de Urtijëi iel 9 sculeies che fajerà l ejam de matura y tl Lizeum d'Ert 19 sculeies plu doi privatisć. (USP)
as
