Atualità
Gran eghes tl Tirol y Bayern: Provinzia juda cun doi milion
Doi milion de euro à la Jonta provinziela (INIER) ai 10 de juni metù a desposizion per judé a curì l dann che la gran eghes à fat tl Tirol y te Bayern. La soma ie penseda sciche sëni de solidarietà da pert dla populazion dl Sudtirol de viers dla vitimes dla catastrofa naturela, spiega l presidënt dla Provinzia Durnwalder.
La gran plueies dl'ultima doi enes ne à l Sudtirol nia fat n gran dann, ma tl Tirol y Bayern à de gran eghes curì luesc ntieres, fat unì ju smueies fajan n dann de plu milions. Sciche sëni de solidarietà cun i doi raions, à la Jonta provinziela tëut la dezijion de dé na milion de euro al Tirol y una al Bayern. "Tl Tirol ulessan cun chisc scioldi finanzië n proiet de recostruzion spezifich" à dit l presidënt Luis Durnwalder, sorissan che l dëssa vester la Jonta provinziela dl Tirol a crì ora l proiet.
Che l ne vën nia me judà al partner Euregio a nord, ma nce al Bayern, mutivea Durnwalder cun n liam y n debit da pert dl Südtirol al Bayern: "te tëmps dures nes à l Bayern daniëura judà, perchël iel śën drët che nëus dajon nosc cuntribut per judé a curì l dann dla gran eghes" spiega l presidënt dla Provinzia.
as
