Atualità
Strada nöia por Rina: ai 19 d’agost vijita di laûrs por i media
A Rina vëgnel fat la terza pert di laûrs dla strada nöia. Do che les prömes perts é bele gnüdes fates, sarà chësc l’ultimo majer laûr por arjigné ca na miù strada da ti rové pormez a Rina. Por odëi personalmënter coche i laûrs va inant, vijitëia l’assessur provinzial Florian Mussner en lönesc, ai 19 d’agost le cantier a Rina. Inće i colaboradus di media é invià a chësta vijita cun presentaziun di laûrs.
Le terzo lot dla strada da Rina é cun n cost de 7,3 miliuns de euro le majer laûr publich che vëgn fat en chësc ann da pert dla Provinzia tles valades ladines. Sön la vedla strada se stentâ i auti dassënn da passè ia n camionn o na coriera, porchël jêl debojëgn da miorè la strada da Rina a na moda che le paîsc ciafass de mius prospetives por le dagnì.
Por deslarié la strada y pité plü segurëza vëgnel fat de plü intervënć. Danterater él inće debojëgn de micropà y de de plü mürs de sostëgn che vëgn spo curis cun peres.
Coche chisc intervënć ćiararà fora podaràn odëi tratan la vijita di laûrs,
en lönesc, ai 19 d’agost.
An se incunta dales 10 danmisdé sön plaza de dlijia a Rina.
I colaboradus di media é invià ala vijita cun presentaziun y a lascè alsavëi de chisc laûrs. (USP)
as
