Atualità
Ai 2 de setëmber inò cunferënza stampa dla Jonta provinziela
Do la paussa da instà y na senteda plu curta curta dl solit, jirà n lunesc, 2 de setëmber inò inant l ritm dla cunferënzes stampa dla Jonta provinziela. Do la senteda prejenterà l presidënt Luis Durnwalder dala 12.30 la dezijions plu mpurtantes da pert dla Jonta.
De agost se à nce la Jonta provinziela tëut n pue' de feries y se à me ancuntà per na senteda plu curta tl palaz Widmann a Bulsan. N lunesc che vën, 2 de setëmber, jirà l Presidënt dla Provinzia y i assessëures inò inant cun l ritm da uni ena. Sciche daniëura, prejenterà l presidënt Durnwalder do la senteda i argumënc de majer nteres ai culaburadëures di media. Chësc sarà inò
n lunesc, 2 de setëmber
dala 12.30
tla sala stampa dla Jonta provinziela,
palaz Widmann, plata Silvius Magnago a Bulsan.
as
