Atualità
Jonta provinziela: sies leges nueves nchin d’autonn
Te nianca doi mënsc dan la veles provinzieles uel la Jonta provinziela mo purté inant sies leges. L presidënt Durnwalder à (NCUEI) ai doi de setëmber cunedì la prupostes de lege che à priorità.
La puscibltà de straiché la njonta IRAP per firmes che gëura sëntes nueves y ti dà da lëur a jëuni, la lege per judé a finanzië n cuatier a jënt cun davani nia tan aut (Bausparen), la lege per sëurandé cunzescions da fé strom cun l'ega a de pitli mplanc, na unificazion per la spartizion dl gas, la lege per dé inant ai chemuns la cumpetënza di cuntroi de segurëza per manifestazions publiches y l rendicont dl 2012: chisc ie i ponc de priorità di assessëures provinziei n cont de leges nueves.
L presidënt Durnwalder à do la senteda dla Jonta provinziela nce fat al savëi che n lunesc ai 9 de setëmber saral na senteda straurdinera dl Cunsëi provinziel per pudëi traté una o doi prupostes de lege. L'autres dëssa pona unì tratedes ntan i dis de senteda udui dant per l'ena do. (USP)
as
