Atualità
Ai 13 de setëmber festa per i maduranc a Urtijëi
Cun l'ejam de matura à chëst ann 61 jëuni finà via si furmazion tla scoles autes ladines. Chësc var mpurtant tla vita di jëuni vën n vënderdi ai 13 de setëmber festejà cun n pitl recunescimënt da pert dl assessëur ala scoles ladines Florian Mussner y dl ntendënt Roland Verra.
Chiche fina na scola auta ladina possa jì inant si streda persunela cun na furmazion particulera baseda sun la cunescënza de plu rujenedes. La mpurtanza de chësta arjonta da pert de 61 jëuni de Gherdëina y dla Val Badia vën recunesciuda cun na festa ufiziela tl'Aula Magna dla Scoles autes a Urtijëi. N vënderdi ai 13 de setëmber, dala cinch domesdì, uniral adalerch l assessëur ala scoles ladines Florian Mussner y l ntendënt Roland Verra per ancunté i maduranc.
I culaburadëures di media ie nviei a tò pert a chësc mumënt ufiziel
n vënderdi ai 13 de setëmber
dala 17.00
tl'Aula Magna dla Scoles autes a Urtijëi.
as
