Atualità
Jonta provinziela: program per muciadives y cura de mëndri
Tla Provinzia de Bulsan uniral da cajo a cajo tëut la dezijion sun la cumpëida de muciadives da tò su. Chësta posizion ie unida cunedida (NCUEI) ai 23 de setëmber do avëi refudà l program naziunel SPRAR. Tla medema senteda à i assessëures provinziei fat ora che i paiamënc provinziei per la cura de mëndri vën me n pert calculei sciche davani.
Refudà l program SPRAR
L program naziunel SPRAR vëija dant che la Talia tole su 16.000 muciadives y i spartësce su danter la regions. Aldò de chësc program messessa la Provinzia de Bulsan tò su feter 150 muciadives. Davia che te chësc mumënt ne iel nia udù dant finanziamënc dal Stat y davia che l Sudtirol à la cumpetënza primera sun chësta materia, à la Jonta provinziela refudà de fé pea l program naziunel. "Ulon da iede a iede tò la dezijion tan de muciadives che tulon su y cie che son boni de ti pité" à detlarà l presidënt Luis Durnwalder.
Cura de mëndri: paiamënc me n pert sciche davani
Families che tol su mëndri, nce me per n tëmp limità, ne dëssa perchël nia tumé te na categuria plu auta de davani. La cuestion reveda dantaprima l fit per i cuatieres soziei. I paiamënc dala Provinzia per la cura de mëndri ntan dut l ann univa nchinamò cunscidrei sciche n davani. La Jonta provinziela à dat pro che l dëssa me plu unì tëut n cunsciderazion l 20 percënt de chisc paiamënc. Sun n paiamënt de 2000 euro al ann, unirà a chësta maniera me plu 400 euro cunscidrei sciche davani.
as
