Atualità
Referat tla Teßmann sön la poscibilité y i risć di e-books
“Gutenberg goes electronic“ é le titul dl referat che la Biblioteca provinziala Teßmann a Balsan mët a jì ai 3 d’otober. Tl cheder dla linia de referać „Texturen“ baia Stephan Füssel dl’Université Johannes Gutenberg de Mainz dla poscibilité y di risć di e-books por la letöra y la leteratöra.
Le 75 porcënt dla leteratöra scientifica y le 20 porcënt (USA) respet al 4 porcënt (Europa) dla leteratöra plajora vëgn bele pitada te n format eletronich, i dać va sö aslöm. La stlüta de botëghes de libri, enhanced e-books, social reading é ma n valgönes dles parores tle de chësc prozès de mudaziun. Le grup d'inrescida "Medienkonvergenz" dl'Université Johannes Gutenberg de Mainz analisëia da cater agn incà danter ater les funzionalitês neurologiches dla letöra, les conseguënzes psichiches dl consum d'internet, la faziun pedagogica di media sön la scora y l'université, mo inće les poscibilitês y i risć por la leteratöra instëssa.
Le referat "Gutenberg goes electronic" gnarà tignì en jöbia, ai 3 d'otober dales 8 da sëra tla Biblioteca Provinziala Friedrich Teßmann (strada A.-Diaz-Str. 8) a Balsan.
usp
